ММТ: ҷавобҳои дуруст дар сомонаи марказ гузошта шуданд
Душанбе, 08.07.2015. (АМИТ «Ховар», Ситораи Боймурод).- Маркази миллии тестии назди Президенти Ҷумҳурии Тоҷикистон ба диққати довталабон мерасонад, ки ҷавобҳои дуруст ба саволу масъалаҳои тест, ки дар қисми А (имтиҳони умумӣ) барои довталабони гурӯҳҳои ихтисосҳои 1‑ум, 2‑юм, 3‑юм, 4‑ум ва 5‑ум пешниҳод шуданд, дар сомонаи марказ гузошта шуданд.
Хотиррасон менамоем, ки натиҷаҳои дар имтиҳонҳо аз субтестҳо бадастовардаи ҳар довталаб бо нишон додани хол, бал ва маълумот дар бораи соҳиб шудан ё нашудани холҳои гузариш ва роҳ ёфтан ё наёфтан ба озмуни тақсимот пас аз тамом шудани имтиҳонҳо ва коркарди пурраи варақаҳои ҷавобҳои довталабон 25‑уми июли соли равон эълон мешаванд.
Гуфта мешавад, ки раванди гузоштани нусхаҳои варақаҳои ҷавобҳо дар кабинетҳои инфиродии довталабон дар айни замон идома дорад. Китобчаҳои тест, варақаҳои ҷавобҳо ва ҷавобҳои дуруст, ки дар кабинети инфиродӣ ва сомонаи марказ ҷойгир шудаанд, ба Шумо имкон медиҳанд, ки холҳои бадастовардаатонро шахсан ва мустақилона ҳисоб намоед, ки ин тақаллуби натиҷаҳо ва имкони аз тарафи шахсони “нопок” фиреб додани довталабонро аз байн мебарад. Маълумоти муфассалро дар бораи меъёри холгузорӣ вобаста ба навъи саволу масъалаи тест метавонед аз дастури иттилоотию методии “Роҳнамои довталаб” дастрас намоед.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






