Мусодираи қариб 200 килограмм маводи нашъаовар

Душанбе, 13.07.15. (АМИТ «Ховар»). — Кормандони Агентии  назорати  маводи  нашъаовар назди Президенти  ҶТ  дар  шаҳри  Душанбе  ва  вилояти  Хатлон тайи  се  шабонарӯзи  гузашта се  ҷинояткории  марбут ба  гардиши  ғайриқонунии  маводи  нашъаоварро  ошкор  намуданд. 
Тавре  ки  АНМН хабар  медиҳад,  дар  натиҷаи амалиёт  191  килограмму  948  грамм  маводи  мухаддир,  аз ҷумла  98  килограмму  658  грамм тарёк, 76  килограмму  985  грамм  бангдона ва  16 килограмму  305  грамм  ҳашиш  аз  гардиши  ғайриқонунӣ  бароварда шуд. 
Барои  дастгир  намудани  боз  ду  нафар  шаҳрвандони  Тоҷикистон  ва  ду  нафар  шаҳрвандони  Афғонистон  дар ҷинояткориҳои  зикршуда  даст  задаанд, чораҳои таъҷилӣ  дида  мешаванд.