Намоишгоҳи офаридаҳои рассомони тоҷик дар шаҳри Талдом

Душанбе, 24.07.15. (АМИТ «Ховар»). – Бо  дастгирии сафорати Тоҷикистон  дар  Федератсияи  Русия имрӯз дар  шаҳри Талдоми  вилояти  Маскав  намоишгоҳи  асарҳои рассомони тоҷик таҳти унвони «Пайраҳаҳои  Хоҷа  Насриддин» бо  истифода  аз нигораҳои  хазинаи  ходими намоёни  фарҳанги  шаҳри  Маскав  Юлия Вербитская ифтитоҳ  гардид. 
Ғояи  доир  намудани  намоишгоҳ  аз  ҳамбастагии эҷодиёти   нависандаи  рус  Леонид Соловёв, аз ҷумла «Қиссаи Хоҷа  Насриддин» — и ӯ ва эҷодиёти  рассомони  тоҷик,  аз  қабили  Зуҳур  Ҳабибуллоев, Сабзалӣ  Шарифов, Акмал  Миршакар, Раҳим  Сафаров ва  ғайра  ба  миён  омадааст,  зеро  воқеаҳои  «Қиссаи Хоҷа  Насриддин»  дар  ҳудуди  Тоҷикистон,  аз  ҷумла дар  шаҳри  Хуҷанд, ҳудуди  Бадахшон  ва  деҳаи  Чорак  рух додаанд.
Раиси шаҳри  Талдом  Юрий  Журкин  дар  маросими  ифтитоҳи  намоишгоҳ  аҳамияти боризи ҳамкории фарҳангии миёни  халқҳои  бародари  Русия  ва  Тоҷикистонро  таъкид  сохт.