Озмун бо мақсади гулзоркунии маҳалли зист

Кӯлоб, 10.07.2015 (АМИТ «Ховар», Фарҳоди Мадамин).-Дар вилояти Хатлон ва шаҳри Кӯлоб таҳти унвони «Гулзоркунии корхонаву маҳалли зист ва шаҳри азизамон» озмун оғоз гардид, ки он ба  24- умин солгарди Истиқлолияти давлатии Ҷумҳурии Тоҷикистон, 21- солагии ҲХДТ ва 700- солагии алломаи Шарқ Мир Сайид Алии Ҳамадонӣ бахшида шудааст.
Ҳадафи озмун ҷалби  ватандўстон ва ҷонибдорони ҲХДТ барои  зебоипарастӣ, саҳмгузорӣ дар ободкориву созандагӣ, тозагӣ ва сабзазоркунии маҳаллу корхонаҳои ҷои зист мебошад.
Озмун дар ду давр гузаронида мешавад:  даври аввал аз 20- уми июн то 1- уми  сентябри соли 2015 ва даври дуюм аз 10- уми сентябр то 10- уми декабри соли ҷорӣ.
Ҳайати комиссияи тадорукотӣ таъсис шуда, озмун дар саросари вилояти Хатлон ҷараён дорад. 
Аз тарафи Кумитаи иҷроияи ҲХДТ дар вилояти Хатлон барои ҷои якум 2000 сомонӣ, ҷойи дуюм 1500 сомонӣ ва ҷойи сеюм 1000 сомонӣ мукофотпулӣ муқаррар гардидааст.