Пардохти қариб 2 миллион сомонӣ ба осебдидагони ҳодисаҳои фалокатовар

Қӯрғонтеппа, 14.07.15. (АМИТ «Ховар», Мурод  Сотиев). – Дар  вилояти  Хатлон дурнамои  суғурта баробари 111,5  фоиз  иҷро  шудааст. 
Ба  гуфтаи  раиси  намояндагии «Тоҷиксуғурта»  дар  вилояти  Хатлон  Раҷабалӣ  Тағоев,  маблағи  умумии  суғурта  7  миллиону  365  ҳазору 811  сомониро ташкил  дод.  Дар  ҳамин  давра  ба 2 ҳазору  244  нафар   шаҳрвандоне, ки  аз  ҳодисаҳои  фалокатовар  осеб  дидаанд, 1  миллиону  950  ҳазору  400 сомонӣ  пардохта  шуд.