Пешниҳоди Вазорати фарҳанги Қирғизистон

Душанбе, 30.07.15. (АМИТ «Ховар»). — Назар  ба  иттилои  Агентии Tazabek, Вазорати  фарҳанг,  сайёҳӣ ва  иттилооти  Қирғизистон  пешниҳод  намуд, ки  Созишнома  дар  бахши  иттилоот ва  иртиботи оммавӣ бо  Кумитаи  телевизион  ва  радиои  Тоҷикистон маъқул  ёфта  шавад.
Лоиҳаи  мазкур  ба  манзури таҳкиму   густариши   муносибатҳои  дӯстонаи  миёни  ҳар  ду  давлат  ва  рушди  муносибатҳо  дар  соҳаи  иттилоот ва  иртиботи  оммавӣ  таҳия  шудааст. 
Ҳадафи  ҳамкорӣ  иборат  аз  афзун  намудани  ҳаҷми  табодули иттилоот ва хабару  мақолаҳо  дар  рӯзномаю  телевизион бо  усули  мутақобила ва  асосан  дар  мавзӯи  таҳкими  муносибатҳои Қирғизистону  Тоҷикистон,  рӯи  кор  овардани  чорабиниҳои  муҳими  дуҷониба  дар  амри  сиёсати  бахши иттилоот ва  журналистика  мебошад. Тартиби  дигари роҳандозии  лоиҳаи  мазкур  бояд  иборат  аз  намоиши асарҳои  тарғибкунандаи  дӯстии байни   халқҳои Қирғизистону  Тоҷикистон  бошад.