Сафорати Тоҷикистон дар Русия: «Марги Ислом Маҳмадшоев барои ҷомеаи тоҷикистониҳои Русия низ талафоти бурзург аст»
Душанбе, 23.07.2015. (АМИТ «Ховар»). — Марги дабири кулли Федератсияи футболи Тоҷикистон Ислом Маҳмадшоев, ки имрӯз дар пайи бемории вазнин дар Бемористони ба номи Скилифасовскии шаҳри Москва аз дунё даргузашт, барои ҷомеаи тоҷикистониҳои Русия низ талафоти бурзург арзебӣ мешавад, зеро номбурда дар инҷо низ аз обрӯ ва эҳтироми хоса бархурдор буд.
Намояндаи расмии Сафорати Точикистон дар Русия Муҳаммади Эгамзод ба АМИТ «Ховар» иттилоъ дод, ки Сафорат дар рӯзҳои вопасин низ аз аҳволи марҳум огаҳӣ дошт ва дарк мекард, ки бо вуҷуди ҳамаи талошҳо, духтурон дар наҷоти марҳум оҷизӣ мекашиданд. Аз хуруҷи бемории ҷигар номбурда хеле аҳволи сангин дошт. Масъулини мақомоти Тоҷикистон дар ҳамкорӣ бо ҷониби Русия, Сафорат ва Федератсияи Футболи Тоҷикистон ҳама кӯшишҳоро ба харҷ доданд, то духтурони русӣ Исломро табобат кунанд, аммо марг ӯро даррабуд.
«Ҳоло тадорукоти интиқоли ҷасад рафта истодааст ва интизор меравад, ки шоми имрӯз марқади Ислом Маҳмадшоевро ба Ватан фиристем. Сафири Тоҷикистон дар Русия Имомуддин Сатторов гуфт, ки сохторҳои марбута, аз ҷумла хадамоти консулгарӣ ва намояндагиҳои ширкатҳои ҳавопаймоии кишвар дар Москва дар ин амали хайр ҷалб шудаанд», — илова намуд М. Эгамзод.
Бино ба иттилои манбаъ шоми имрӯз марқади номбурда аз фурудгоҳи Домодедово ба Ватан фиристода хоҳад шуд. Сафорати Тоҷикистон дар Русия ин ходисаро барои футболи тоҷик бохти бузург арзебӣ намуда, ба наздикону пайвандони марҳум ҳамдардӣ баён мекунад.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
