СБМ Зумрат Шербоеваро ба ватан баргардонд
Душанбе, 08.07.2015. (АМИТ «Ховар», Лайло Тоирӣ).- Сокини ҷамоати деҳоти Хистеварзи ноҳияи Бобоҷон Ғафуров Зумрат Шербоева, ки дар шаҳри Маскав дар муҳоҷирати меҳнатӣ буд, аз сабаби беморӣ мехост ба ватан баргардад, вале барои роҳкиро маблағ надошт. Вай барои кумак ба намояндагии Созмони байналмиллалии муҳоҷират (СБМ) муроҷиат намуда, бо мусоидати ин созмон субҳи 7 июл ба зодгоҳ баргашт.
Номбурдаро дар «Фурудгоҳи байналмиллалии Хуҷанд» кормандони шуъбаи Хадамоти муҳоҷират пешвоз гирифтанд.
Инчунин дар ин рӯз ҶДММ “Суғдиён-Помир Тур” 5 сокини вилояти Суғдро ба Федератсияи Русия сафарбар намуд.
Бино ба гуфти сардори гурӯҳ Шаҳрӣ Аҳмедова муҳлати сафари муҳоҷирон 11 моҳро ташкил медиҳад.
Муҳоҷирони меҳнатӣ ба шаҳри Самара сафар намуда, дар он ҷо ба корҳои сохтмонӣ машғул хоҳанд шуд. Субъекти хоҷагидор ва ширкати кордиҳанда ба муҳоҷирон сафари бехатар, шароит ва маоши хубро кафолат додааст.
Дар ин бора ба АМИТ «Ховар» сухангӯи Хадамоти маҳоҷират Абдуллоҳи Қодирӣ иттилоъ дод.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
