Семинари омӯзишӣ ҷиҳати муқобилият ба хариду фурӯши одамон

Ваҳдат, 02.07. 2015. (АМИТ “Ховар”, Субҳониддини Маҳмуд).-Бо ташаббуси Кумитаи ҷавонон , варзиш ва сайёҳии  назди Ҳукумати Ҷумҳурии Тоҷикистон барои 20 нафар ҷавони  фаъоли шаҳри Вахдат  дарсҳои омӯзишӣ гузаронида шуда, онҳо ҳамчун омӯзгор омода гардиданд. Ба иттилои сармутахассиси  бахши ҷавонон, варзиш ва сайёҳии шаҳри Ваҳдат  Сафарбек Саидов давраи омӯзишӣ мавзӯи муқобилият  бар зидди хариду фурӯши одамонро дар бар гирифта,   барномаҳои махсуси иттилоотӣ мавриди амал карор дода шуданд. Яке аз ин барномаҳо  Лоиҳаи «Муқовимати ҷавонон оид ба хариду фурӯши одамон» мебошад, ки дар доираи “Барномаи миллии  рушди иҷтимоии ҷавонон  дар Ҷумҳурии Тоҷикистон  барои солҳои 2013 -2015”амал мекунад. Он  аз тарафи кумита дастгирӣ ёфта ва дар шаҳри Ваҳдат мавриди ичро қарор гирифтааст.                               Ҷавонони ихтиёрӣ (омӯзгорон) ба гурӯҳҳо тақсим шуда , дар ҷамоатҳои шаҳраку деҳоти Ваҳдат  миёни насли созандаи миллат, наврасону ҷавонони аз 14 то 25 сола  оид ба масъалаи муқовимат бар зидди хариду фурӯши одамон семинар ва машваратҳои  омӯзишӣ гузаронида истодаанд.