Ш.Орумбекзода ба Ереван меравад
Душанбе, 07.07.2015.(АМИТ «Ховар», Марзия Саидзода).- Нақшаи чорабиниҳои марбут ба таҷлили 25 -умин солгарди таъсиси Иттиҳоди давлатҳои муштаракулманофеъ /ИДМ/ зимни баргузории ҷаласаи 30-юми Шӯрои ҳамкории фарҳангии кишварҳои ИДМ, ки аз 10 то 12 июл дар Ереван -пойтахти Арманистон доир мегардад, аз ҷониби вазирони фарҳанги кишварҳои ИДМ баррасӣ мешавад.
Аз Вазорати фарҳанги кишвар ба АМИТ «Ховар» иттилоъ доданд, ки Ҷумҳурии Тоҷикистонро дар ин ҷаласа Шамсиддин Орумбекзода-вазири фарҳанги ҷумҳурӣ ва Абдуғаффор Абдуҷабборов -сардори шуъбаи равобити байналмилалии Вазорати фарҳанги Ҷумҳурии Тоҷикистон намояндагӣ менамоянд.
Дар ҷаласа масоили марбут ба таҳкими ҳамкории фарҳангӣ байни кишварҳои ИДМ, сиёсати давлатӣ дар бахши фарҳанг дар доираи ҳамкории фарҳангии кишварҳои ИДМ, чорабиниҳои асосии фарҳангии ИДМ барои солҳои 2016-2020, баррасии чорабиниҳое, ки ба ифтихори ҷашни 70 -солагии Ғалаба дар ҶБВ (1941-1945) дар миқёси кишварҳои ИДМ гузаронида шудаанд, инчунин татбиқи барномаи байнидавлатии «Пойтахтҳои фарҳангии ИДМ» баррасӣ мегарданд.
Интизор меравад, ки дар ҳошияи ин ҷаласа дар Ереван конфронси байналмилалӣ дар мавзуи «Сиёсати фарҳангӣ, сиёсат барои фарҳанг: Мақоми фарҳанг дар рушди устувор баъд аз соли 2015» баргузор гардад.
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Имрӯз дар Тоҷикистон ҳаво то 27 дараҷа гарм мешавад
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
