Ш. Орумбекзода: Талоши вазорат барои ташаккули фазои фарҳанг назаррас аст

Душанбе, 20.07.2015. (АМИТ «Ховар», Ситораи Боймурод).- Вазорати фарҳанги Ҷумҳурии Тоҷикистон фаъолияташро дар нимсолаи аввали соли 2015 баҳри ташаккули фазои ягонаи фарҳангӣ, ғанӣ гардонидани дунёи ботинии ҳамзамонон, шинохти таърихи гузаштаву имрӯза ва таҳкими эҳсоси худшиносию ватанпарастӣ равона намуда, ба натиҷаҳои муайян ноил гардид, — гуфт вазири фарҳанги Чумҳурии Тоҷикистон Орумбекзода Шамсиддин имрӯз, 20 июл зимни нишасти матбуотӣ.
Барои дар сатҳи баланд баргузор гардидани ҷашнҳои Артиши миллӣ, Иди модарон, Рӯзи матбуоти тоҷик, мулоқоти Президенти мамлакат бо зиёиён, ҷашни байналмилалии Наврӯз, барномаҳои пазироии иштирокдорони ҷаласаи навбатии Шӯрои ҳамоҳангсозии роҳбарони мақомоти салоҳиятдор оид ба мубориза бар зидди муомилоти ғайриқонунии маводи нашъаовари давлатҳои аъзои СААД, Конфронси байналмиллалии сатҳи баланд оид ба татбиқи Даҳсолаи байналмилалии «Об барои ҳаёт- 2005-2015», гузоштани хишти нахустини Театри миллӣ бо иштироки Президенти кишвар, баргузории фестивал озмуни «Парасту-2015» бахшида ба 100-солагии Ҳунарпешаи халқии СССР Аслӣ Бурҳонов неруи тамоми ҳунармандони муассисаҳои фарҳангӣ равона гардид.