Шиносоии гурӯҳи корӣ бо шароити зист ва имконоти муҳоҷирони дохилӣ

Душанбе, 25.07.2015. (АМИТ «Ховар», Лайло Тоирӣ).- Гурӯҳи корие, ки аз ҷумлаи кормандони Раёсати Хадамоти муҳоҷират  дар вилояти Хатлон ҷиҳати иҷрои Қарори Ҳукумати Ҷумҳурии Тоҷикистон «Дар бораи муҳоҷирати дохилии аҳолӣ аз ноҳияҳои камзамин ва сераҳолии кӯҳистон ба водиҳои дорои заминҳои бекорхобидаи ҷумҳурӣ дар солҳои 2013-2015»  таъсис ёфтааст,  аз шароиту имконияти  кӯчонидани 30 оилаи муҳоҷири дохилӣ дар  соли 2015 аз ноҳияи Шӯрообод ба ноҳияи Қумсангир, макони зист ва  вазъи муҳоҷирони ноҳияҳои Шӯрообод, Вахш ва Тавилдара, ки солҳои 2013-2014 кӯчонида шудаанд, дидан намуд. 
Ҳамчунин Гурӯҳи корӣ мавзеи  нави зисти муҳоҷирони дохилиро дар мавзеи Махдумқулии ҷамоати деҳоти «Истиқлол» аз назар гузаронид.
 Тавре ки сухангӯи Хадамоти муҳоҷират А. Қодирӣ хабар дод,  ба муҳоҷирони дохилӣ барои сохтмони хонаҳои истиқоматӣ замини наздиҳавлигӣ ҷудо гардида, оилаҳои муҳоҷирони дохилии ноҳияи Вахш, Шӯрообод ва Тавилдара бо қарзҳои имтиёзнок аз тарафи «Амонатбонк»-и ноҳия таъмин гаштаанд.