Қӯшунҳои Ироқ беш аз 60 нафар террористони ДИ – ро нест карданд

Душанбе,  22.07.15. (АМИТ «Ховар»). – Назар  ба  иттилои  Вазорати  мудофиаи  Ироқ, ҷузъу  томҳои  қувваҳои  ҳарбӣ ва пулиси  федералӣ  дар  қисми  ғарбии  кишвар  беш  аз 60  нафар  силоҳбадастони  гурӯҳи  террористии  «Давлати  исломӣ» — ро  нест   карданд. 
«Қувваҳои  пулиси  федералӣ  дар  ҳудуди  Ҳасиба – аш-Шарқия  (қисми  шарқии  Рамади)  панҷ  воситаи  нақлиёт  ва  21   террористро  нест намуданд. Ҳамчунин  бар  асари  ду  задухӯрди дигар  дар  канори  шаҳри  Рамади  боз 15  нафар  ифротиён  кушта шуданд», — гуфта  мешавад дар  хабар.
21  июл  тайёраҳои  қувваҳои  ҳарбии  ҳавоии  кишвар ва  авиатсияи  низомии  Ироқ 29  нафар  ифротиён ва  чандин  истеҳкому  анборҳои  аслиҳа  ва  лавозимоти  ҳарбиро  нест  намуданд.
Ҳайати  фармондеҳони  Ироқ аз  оғози  ҳамла ба  мавқеъҳои  силоҳбадастон  дар  шаҳри  Анбар  хабар  дод.  Гуфта  мешавад, ки  самтҳои  асосии  зарбаҳои  артиши  Ироқ  шаҳрҳои  Рамади  ва Ал – Фаллуҷа  қарор  доштанд. Ҳар  ду  шаҳр  беш  аз  ду  моҳ  боз  таҳти  назорати  исломгароён  мебошанд.