Суғд: Таъмини маъюбони эҳтиёҷманд бо аробача

 Хуҷанд, 21.07.2015. (АМИТ “Ховар”, Абдуаҳад Шарифзода).-Аз оғози соли ҷорӣ дар вилояти Суғд аз ҷониби шуъбаи Агентии давлатии ҳифзи иҷтимоии аҳолии Суғд  ба маъюбони эҳтиёҷманд  70  аробачаи маъюбӣ дастрас шуд, ки 56 нафари он сокини шаҳру навоҳии вилоят мебошад. 
Тавре  ки мудири шуъбаи ҳифзи иҷтимоии аҳолии мақомоти иҷроияи ҳокимияти давлатии вилояти Суғд  Маъруф Алибоев  иттилоъ дод, инчунин  дар шаш моҳи аввали соли равон аз ҷониби шуъба ба 368 нафар асо, ба 300 нафар пойафзоли махсус ва ортопедӣ, ба 36 нафар асои нобиноӣ, ба 10 нафар роҳравак, ба 7 нафар асобағал ва ба 7 нафар пойи сунъӣ ва протезӣ супорида шуд.