Таркиши бомба дар як масҷид дар Афғонистон

Душанбе, 14.07.2015. (АМИТ «Ховар», Тоҷиддин Аҳмадзода)-Шоми дирӯз дар як масҷид дар шимоли Афғонистон таркиш ба амал омад, ки дар натиҷа 30 нафар фавтид. Ҷавод Башорат, сухангӯи полиси Вилояти Бағлон эълом кард, ки рӯзадорон дар ҳоли намоз хондан буданд, ки бомбае дар масҷиди шаҳри «Пули Хумри» таркид. Ба гузориши хабаргузории Фаронса ба нақл аз раиси полиси вилояти Бағлон маводи тарканда қаблан дар дохили масҷид гузошта шуда буд. То кунун ҳеч фард ва ё гурӯҳе масъулияти ин бомбгузориро ба уҳда нагирифтааст.