«Тоҷиксуғурта»: 6589 сомонӣ талофии зарар ҳақгузорӣ шуд

Хуҷанд, 31.07.2015. (АМИТ «Ховар»).-Тавре ки аз хадамоти матбуоти раиси вилояти Суғд иттилоъ доданд, филиали КВД «Тоҷиксуғурта» дар вилояти Суғд дар асоси муроҷиати шаҳрвандони ноҳияи Ҷаббор Расулов оид ба пӯшонидани зиёни офати табиӣ ба 9 сокини ин ноҳия ба маблағи 6 589 сомонӣ талофии зарарро ҳақгузорӣ кардааст.
Болтубой Юлдошев, директори «Тоҷиксуғурта» мегӯяд, ки ин миқдор маблағ ба хоҷагиҳои деҳқонии аз офати табиӣ зарардидаи ҷамоатҳои Сомониёну Гулхона дода шудааст.
Вай ҳамзамон афзуд, ки дар натиҷаи омадани сел дар ноҳияи Ашт ба хоҷагии халқи ин ноҳия низ хисорот ворид шуд ва дар асоси шартномаи басташуда ба 3 сокини ин ноҳия ба миқдори наздик  ба 1000 сомонӣ талофии зарар дода шуд.