«Тоҷикзаминсоз» ба маблағи зиёда аз 2 млн. сомонӣ корҳоро ба иҷро расонид

Душанбе,  14.07.2015 (АМИТ «Ховар», Рафоати Абдулҳамид).-Институти давлатии лоиҳакашии заминсозии «Тоҷикзаминсоз» дар нимсолаи аввали соли 2015- ум корҳои заминсозиро оид ба муайян намудани сарҳади шаҳру ноҳияҳои вилояти  Хатлон ба маблағи 321 ҳазору 412 сомонӣ, корҳои баҳисобгирии давлатии миқдори заминҳо дар ноҳияҳои  А. Ҷомӣ ба маблағи 93731 сомонӣ, Балҷувон ба маблағи 193055 сомонӣ, татқиқоти калонмиқёси хокро дар ноҳияи Ҷ. Расулов вилояти Суғд ба маблағи 237 ҳазору 487 сомонӣ, корҳои баҳои замин дар ноҳияи Шаҳритуси  вилояти Хатлон ба маблағи 394 ҳазору 778 сомонӣ, корҳои тадқиқоти геоботаникии чарогоҳҳоро дар ноҳияи Шӯроободи вилояти Хатлон ба маблағи 54 ҳазору 178 сомонӣ ва ноҳияи Ҳисор 88 ҳазору 923 сомонӣ ва дигар корҳо ба маблағи 159833 сомонӣ ба иҷро расонид.
Аз тарафи Институти давлатии лоиҳакашии заминсозии «Тоҷикзаминсоз» дар якҷоягӣ бо КДФ «Суғд» дар нимсолаи аввали соли ҷорӣ аз рӯи ҳамаи намудҳои маблағгузорӣ  ба маблағи умумии 2 млн. 028 ҳазору  396 сомонӣ корҳо ба иҷро расонида шуданд.