ВАО: қӯшунҳои Сурия беш аз 30 силоҳбадастро нест карданд

Душанбе, 31.07.15. (АМИТ «Ховар»). — Қӯшунҳои  Сурия бо  дастгирии ҷанговарони ҳизби шиапарастони «Ҳизбуллоҳ»  дар  водии Забадонӣ  дар 45  километрии  Димишқ  ба пойгоҳи ҷузъу  томҳои  «Давлати  исломӣ» ҳамла оварданд.  Назар  ба  иттилои Агентии САНЪО, дар  ҷараёни  амалиёт  беш  аз  30  ифротталаб  нест  карда шуд. Яке  аз қумондонҳои  саҳроии   гурӯҳи  террористии  «Давлати  исломӣ»  Мааз ал- Абда аз ҷумлаи онҳост. Мувофиқи  маълумоти  агентӣ,  7  силоҳбадаст  таслим  шуд. 
Артиши  Сурия  дар  минтақаи  Палмира  лӯлаи  нафтро таҳти  назорати  худ  қарор  дод. Дар  минтақаи  Гутаи Шарқии  назди  пойтахт оташфишонии  шадид идома дорад.Тавре  ки агентии  САНЪО  хабар  медиҳад, дар  ҷараёни  оташфишонӣ  аз  тӯпҳо анбори  лавозимоти  ҳарбии  ифротиён   нест  карда шуд.