Ёвон: ташкили истироҳатгоҳҳои солимгардонӣ

Ёвон, 16.07.2015. (АМИТ «Ховар», Субҳониддини Маҳмуд).-    Бо мақсади   беҳтар гузаронидани давраи истироҳати тобистонаи  кӯдакону наврасон  дар назди 15 муассисаи таҳсилоти миёнаи умумии ноҳияи Ёвон истироҳатгоҳҳои солимгардонӣ ва дар назди 66 муассисаи таҳсилоти миёнаи умумӣ истироҳатгоҳҳои  фароғатӣ-таълимӣ ташкил шудаанд. Ба ин истироҳатгоҳҳо 294 нафар омӯзгор сафарбар шудааст. Тибқи иттилои мудири шуъбаи маорифи ноҳияи Ёвон Сафаралӣ Собиров  барои пешбурди фаъолияти истироҳатгоҳҳои назди мактабии рӯзаш бардавом аз тарафи ҳукумати ноҳияи Ёвон ба маблағи 16 200 сомонӣ ҷудо шуд, ки муассисаҳои таҳсилоти миёнаи умумӣ ин маблағро дастрас намуданд.  Дар назди муассисаи таҳсилоти миёнаи умумии №29 аз ҳисоби кумитаи падару модарон барои 30 хонанда лагери  истироҳатӣ ташкил шуд.