Журналистони Тоҷикистон усулҳои инъикоси дурусти ВФ — ро меомӯзанд

Душанбе, 20.07.15. (АМИТ «Ховар», Марҳабои  Азамат). — 27  июл  дар  шаҳри  Душанбе  семинари   намояндагони васоити  ахбори омма  оид ба  инъикоси офатҳои  табиӣ  ва нишасти  матбуотӣ  бахшида ба Конфронси байналмилалӣ  барои  Осиёи  Ҷанубӣ  ва  Марказӣ, ки аз  28  то  30  июл  доир  мешавад,  баргузор  хоҳад  шуд.
Тавре  ки  дар Раёсати СММ  оид ба танзими  масоили гуманитарӣ  ба  АМИТ «Ховар»  хабар  доданд,  мақсад  аз  тадбирҳои  зикршуда  воқиф  намудани  муҳаррирону  журналистон  аз  усулҳои инъикоси бӯҳронҳои  гуманитарӣ,  аз  ҷумла  хулосаи  мақоми   созмонҳои гуманитарӣ,  ҷомеа  ва васоити  ахбори омма,  ҳамчунин  танзими  кор дар  ҳолатҳои  бӯҳроновар,  ҷамъоварии  ахбор  ва  маблағғузорӣ барои  рафъи ҳолатҳои  фавқулодда  мебошад.