Ғалабаи “Истиқлол” бар “Хуҷанд”-и Хуҷанд

Душанбе, 14.08.2015 (АМИТ  «Ховар»,  Меҳрони   Қурбон)-Шоми  12- уми  август бозии якуми марҳилаи чорякфинали Ҷоми Тоҷикистон дар байни  дастаҳои “Истиқлол”Душанбе ва “Хуҷанд”-и  Хуҷанд дар Варзишгоҳи марказии ҷумҳуриявӣ баргузор гардид. Дастаи “Истиқлол” бо ҳисоби калони 6 бар 1   дастаи  “Хуҷанд”-ро шикаст  дод. 
Баъди ин ғалаба бо чунин ҳисоб бо боварӣ метавон гуфт, ки дастаи “Истиқлол” ба нимфинали Ҷоми миллӣ қадами устувор ниҳод ва бозии ҷавобӣ, ки рӯзи 19 август дар варзишгоҳи “20-солагии Истиқлолияти Тоҷикистон” баргузор мешавад, ба гумон аст, ки чизеро тағийр диҳад.