Ғалабаи намоёни “Истиқлол” ва “Хуҷанд” бар “Хайр”- у “Вахш”

Душанбе, 10.08.2015 (АМИТ  «Ховар»,  Меҳрони   Қурбон)-Шоми  дирӯз  бозии  даври 11-уми чемпионати Тоҷикистон байни дастаҳои  “Истиқлол”-и Душанбе ва “Хайр”-и Ваҳдат  дар  варзишгоҳи  марказии шаҳри Душанбе баргузор  шуд. Дастаи Истиқлол” дастаи “Хайр”-и Ваҳдатро    бо ҳисоби  8 бар 0 шикаст дод. Панҷ голи ин бозиро ҳамлагари дастаи мунтахаби миллии Тоҷикистон Манучеҳр Ҷалилов ба  ҳадаф расонида, дар сабқати нишонзанҳои лига бо 13 гол ба ҷои аввал баромад.
  Дар бозии дигари ин давр  дастаи  “Хуҷанд” дар варзишгоҳи “20-солагии Истиқлолияти Тоҷикистон” бар  дастаи “Вахш”-и Қӯрғонтеппа бо ҳисоби 4 бар 0 дастболо шуд. Ду голи дастаи соҳили Сирдарёро Ҷаҳонгир Эргашев ва ду голи   боқимондаро Иброҳим Рабимов ва Аҳтам Ҳамроқулов ба ҳадаф  расонданд.