Дар Душанбе масоил ва дурнамои ҳамкориҳои Тоҷикистону Русияро муҳокима менамоянд

Душанбе, 21.08.2015. (АМИТ «Ховар», Кристина Эрлих). — «Муносибатҳои Русия ва Тоҷикистон: ҳамкориҳои минтақавӣ» таҳти чунин  унвон  27 август дар шаҳри Душанбе аз ҷониби Маркази илм ва фарҳанги Русия дар шаҳри Душанбе, созмонҳои худмухтори  ғайритиҷоратии «Иттиҳоди халқҳои Авруосиё“ (Русия) ва коршиносони клуби «Рушди Авруосиё»-и Осиёи Марказӣ, мизи мудаввар баргузор мегардад .
Дар кори мизи мудаввар  директори Маркази тадқиқоти стратегии назди Президенти Ҷумҳурии Тоҷикистон  Худобердӣ  Холиқназар,муовини роҳбари намояндагии Россотрудничества дар Тоҷикистон Юрий Исмаилов,  раиси идораи созмонҳои худмухтори  ғайритиҷоратии «Иттиҳоди халқҳои Авруосиё“, директори институти илмӣ тадқиқотии таърих ва этнографии Урали ҷанубӣ , президенти  ассамблеяи халқии вилояти Оренбурги Русия Веналий  Амелин, мушовири калони сафорати Федератсияи Русия дар Ҷумҳурии Тоҷикистон Алексей Игнатов,  мудири шуъбаи масоили муносибатҳои байналмилалии Институти фалсафа, сиёсатшиносӣ ва ҳуқуқи Академияи илмҳои Ҷумҳурии Тоҷикистон Наталя Кунтувдий ва дигарон иштирок менамоянд.
Зимни  гузаронидани мизи мудаввар бо иштироки коршиносони Русия ва Тоҷикистон дар назар аст масоили ҳамкории Тоҷикистону Русия: самтҳо, масоил ва дурнамо; рушди ҳамкории башардӯстонаи Русияву Тоҷикистон дар марҳилаи кунунӣ; вазъи ҳуқуқии муҳоҷирони меҳнатӣ аз Тоҷикистон дар кишварҳои Иттиҳоди иқтисодии Авруосиё  ва ҳамоҳангсозии бозори меҳнат; рушди бахши сайёҳӣ дар Тоҷикистон дар доираи ИДМ, инчунин мавқеи  вилояти Оренбург ва Ҷумҳурии Тоҷикистон дар рушди ҳамкории иқтисодию гуманитарӣ ва равандҳои ҳамгироӣ миёни Русия ва Тоҷикистонро баррасӣ намоянд.
Дар интиҳои   мизи мудаввар оид ба мавзӯъҳои дар боло номбаршуда мубоҳисаҳо доир мегарданд.