«Ҳикояи беҳтарин»- озмун бахшида ба 25-солагии Истиқлолият
Душанбе, 24.08.2015. (АМИТ «Ховар», Ситораи Боймурод).- Мақомоти иҷроияи ҳокимияти давлатии вилояти Суғд ва Шӯъбаи суғдии Иттифоқи нависандагони Тоҷикистон бахшида ба 25-солагии Истиқлолияти давлатии Ҷумҳурии Тоҷикистон, бо мақсади рушди адабиёти муосири тоҷик барои дарёфти истеъдодҳои ҷавон дар ҷодаи наср озмуни вилоятии «Ҳикояи беҳтарин»-ро эълон мекунад.
Тавре дар ин бора аз хадамоти матбуоти раиси вилояти Суғд иттилоъ доданд, ҳаҷми ҳикояҳо бояд то 8 саҳифаи компутерӣ бо ҳуруфи 14 (дар як саҳифа 28-30 сатр) бошад ва дар рӯзномаи вилоятии «Ҳақиқати Суғд» ва маҷаллаи «Паёми Суғд» интишор карда мешавад.
Дар озмун қаламкашони ҷавон (то 30-сола) ширкат варзида, барои онҳо дар интихоби мавзӯъ озодии комил дода мешавад, то дар мавзӯъҳои барояшон мақбул ҳикоя эҷод ва пешниҳод намоянд.
Гуфта мешавад, ки озмун аз моҳи сентябри соли 2015 оғоз ёфта, моҳи августи соли 2016 дар арафаи ҷашни Истиқлолият ҷамъбаст хоҳад шуд.
Барои ғолибони озмуни «Ҳикояи беҳтарин» мукофотҳо барои ҷои аввал 2000 сомонӣ, барои ҷои дуюм 1 500 сомонӣ, барои ҷои сеюм 1000 сомонӣ пешбинӣ шудааст.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
