Ҳиссаи автомашинаҳои Ҷумҳурии Тоҷикистон дар ҳамлу нақли байналмилалӣ 45,1 фоизро ташкил додааст

Душанбе, 04.08.2015. (АМИТ «Ховар», Фарзонаи Давлат).-  . 
Тибқи иттилои Вазорати нақлиёти Тоҷикистон дар нимсолаи аввали соли равон хизматрасонӣ ба 265,3 млн. мусофири нақлиёти автомобилӣ, 352,3 ҳазор мусофири нақлиёти ҳавоӣ, 198,1 ҳазор мусофир ба нақлиёти роҳи оҳан ва 4890,8 ҳазор мусофири нақлиёти барқӣ рост омадааст. 
Дар самти ҳамлу нақли байналмилалӣ, тавассути нақлиёти автомобили  байналмилалии ба 39 давлати хориҷӣ 552,0 ҳазор тонна бор интиқол гардида,  70,3 ҳазор мусофир кашонида шуд, ки нисбат ба ҳамин давраи соли 2014-ум боркашонӣ 15,6 фоиз кам ва мусофирбарӣ 33,2 фоиз зиёд гардидааст. 
Дар нимсолаи аввали соли 2015 ҳиссаи автомашинаҳои Ҷумҳурии Тоҷикистон дар ҳамлу нақли байналмилалӣ дар қаламрави Тоҷикистон 45,1 фоизро ташкил додааст.