Литсей интернатҳои тоҷикию туркӣ ба «Литсейҳо барои хонандагони болаёқат» табдил дода шуданд
Душанбе, 06.08.2015.(АМИТ «Ховар», Марзия Саидзода).-Ҳукумати Ҷумҳурии Тоҷикистон қарор қабул кард, ки литсей-интернатҳои муштараки тоҷикию туркӣ ба муассисаҳои давлатии таълимии «Литсей барои хонандагони болаёқат» табдил дода шаванд.
Дар ин асос муассисаи таълимии «Литсей -интернати муштараки тоҷикию туркии ба номи Ҳоҷи Камоли шаҳри Душанбе», «Литсей -интернати муштараки тоҷикӣ -туркии иқтисодии Душанбе», инчунин литсей -интернатҳои муштараки тоҷикию туркии шаҳрҳои Хуҷанд, Турсунзода, Кӯлоб ва ба номи Ҷалолиддин Румии шаҳри Қӯрғонтеппа бо нигоҳ доштани иншооти мавҷуда, воҳидҳои кории амалкунанда ва бо тартиби худмаблағгузорӣ мутаносибан ба Муассисаи давлатии таълимии /МДТ/«Литсей барои хонандагони болаёқат» дар шаҳри Душанбе, МДТ «Литсей барои хонандагони болаёқати равияи иқтисодӣ дар шаҳри Душанбе, МДТ «Литсей барои хонандагони болаёқат» дар шаҳри Хуҷанд, МДТ «Литсей барои хонандагони болаёқат» дар шаҳри Турсунзода, МДТ «Литсей барои хонандагони болаёқат» дар шаҳри Қӯрғонтеппа, МДТ ««Литсей барои хонандагони болаёқат» дар шаҳри Кӯлоб табдил дода мешавад.
Дар асоси банди дуюми Қарори Ҳукумати ҷумҳурӣ Вазорати маориф ва илми кишвар вазифадор гардидааст, якҷоя бо вазорату идораҳои дахлдори ҷумҳурӣ тартиби муқарраргардидаи масъалаҳои ташкилию ҳуқуқии муассисаҳои дар боло зикршударо ҳал намояд.
Инчунин Вазорати маориф ва илми ҷумҳурӣ якҷоя бо Кумитаи давлатии сармоягузорӣ ва идораи амволи давлатӣ супоридани биною иншоот ва дигар амволи муассисаҳои зиркшударо таъмин месозад.
Тибқи банди охирини Қарори мазкур Қарори Шӯрои
Вазирони Ҷумҳурии Тоҷикистон аз 19 августи соли 1994 аз эътибор соқит дониста мешавад.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
