Муборизаи футболбозони наврас барои ҷоизаи Владимир Ғуломҳайдаров

Душанбе, 21.08.2015 (АМИТ «Ховар», Фарзонаи Давлат).-Пагоҳ, 22-юми август мусобиқаи ҷумҳуриявӣ дар байни футболбозони навраси соли таваллудашон 2002   барои ҷоизаи мураббии шоистаи Тоҷикистон, устоди варзиши Шӯравӣ Владимир Ғуломҳайдаров  анҷом меёбад.
Дар мусобиқа ҳашт даста ба ду гурӯҳ тақсим шуданд. Ба гурӯҳи «А» дастаҳои РШВСМ аз Душанбе, «Гимназияи МИИ» аз Истаравшан, «Арал»аз Абдураҳмони Ҷомӣ ва «Авиатор» аз Душанбе, ба гурӯҳи «Б» дастаҳои  «Солор» аз Душанбе, «Хуҷанд»и  Хуҷанд, ДЮСШ аз Кӯлоб ва ДЮСШ аз Турсунзода шомиланд.
Бозиҳо дар майдони сунъии Варзишгоҳи марказии ҷумҳуриявӣ гузаронида шуда, ғолибон пагоҳ, 22 август муайян мегарданд. 
Ёдрас мешавем, футболбози машҳур Владимир Ғуломҳайдаров, собиқ капитан ва сармураббии дастаи «Помир»-и Душанбе, узви дастаи мунтахаби олимпии СССР  буд. Номбурда  19 соли ахир дар шаҳри Алматии Қазоқистон зиндагӣ мекунад.