Пешгирии шомилшавии ҷавонон ба ҳизбу ҳаракатҳои ифротӣ

Душанбе, 14.08.2015. (АМИТ «Ховар», Ситораи Боймурод).- Дар шаҳри Истаравшан гурӯҳи кории Вазорати меҳнат, муҳоҷират ва шуғли аҳолии Ҷумҳурии Тоҷикистон таҳти сарварии сармутахассиси шӯъбаи муносибатҳои байналмилалӣ, робита бо ҷомеа ва ҳамватанони бурунмарзии Хадамоти муҳоҷират Абдуллоҳи Қодирӣ бо намояндагони табақаҳои гуногуни аҳолӣ мулоқот орост. 
Ба иттилои Хадамоти матбуоти раиси вилояти Суғд, мавзӯи асосии мулоқот пешгирии гароиши ҷавонон ба ҳизбу ҳаракатҳои гуногуни ғайриқонунӣ, аз байн бурдани тамоюли бегонапарастӣ ва оқибатҳои он, арҷ гузоштан ба арзишҳои миллӣ, мақоми зан-модар дар тарбияи ҷавонон ва фарзандон буд.