Шиносоии Сарвазири мамлакат бо рафти корҳои навсозии нақби мошингарди «Истиқлол»
Душанбе, 11.08.2015. (АМИТ «Ховар»). — Имрўз Сарвазири мамлакат Қоҳир Расулзода бо рафти корҳои навсозии нақби мошингарди «Истиқлол» шинос шуд.
Марҳилаи якуми навсозии нақби «Истиқлол» бетонпўшнамоии қабати болоии роҳи мошингарди нақбро дар масофаи 9992 метр фаро гирифта, ин кор то имрўз дар масофаи 5320 метри роҳ аз ду ҷониби хатти ҳаракат анҷом дода шудааст.
Сарвазири мамлакат дар қитъаҳои алоҳида бо рафти корҳои бетонпўшнамоии роҳ ва садбандии маҷрои обҳои зеризаминӣ шинос шуд. Тавре иттилоъ дода шуд, ҳамарўза дар нақб масофаи зиёда аз 150 метр бетонпўш карда шуда, дар як вақт баҳри бартараф намудани воридшавии обҳои зеризаминӣ ба нақб тадбирҳои зарурӣ андешида мешаванд. Нақбсозон нақша доранд, ки корҳои бетонпўшнамоии қабати болоии роҳро ҳамарўза дар масофаи 180 метр ба анҷом расонида, иншоотро пеш аз мўҳлат мавриди истифодаи пурра қарор диҳанд.
Хотиррасон бояд кард, ки беҳдошти шароити кори нақбсозон, аз ҷумла пардохти саривақтии музди маош, таъмини мунтазами иншоот бо масолеҳи зарурии сохтмонӣ ва ба онҳо бемайлон дастрас намудани маводи ғизоӣ ва сару либоси корӣ дар мадди назари аввали роҳбарияти давлату Ҳукумати ҷумҳурӣ қарор дошта, аз ҷониби Сарвари давлат бевосита ба нақбсозон ҳамаҷониба кумак расонида мешавад.
Сарвазири мамлакат мутахассисон ва нақбсозони ин иншооти аҳамияти муҳимдоштаро баҳри босифат ва дар муҳлати муқараршуда анҷом додани корҳои навсозии нақб, беҳдошти шароити ҳаракати нақлиёт ва дар як вақт шуруъ намудани корҳои марҳилаи дуюми навсозии нақб, ки аз пешбурди корҳои равшаннамоӣ ва ҳавотозакунӣ иборат мебошад, вазифадор намуд.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
