Тадбирҳо барои баланд бардоштани маърифати молиявии мардум
Душанбе, 03.08.2015.(АМИТ «Ховар», Марзия Саидзода).-«Гурӯҳи Бонки ҷаҳонӣ барои баланд бардоштани сатҳи саводнокии молиявии аҳолӣ тавассути созмонҳо — шарикони молиявӣ барномаи фарогири молиявиро дар Тоҷикистон таҳким мебахшад», — зикр шуд зимни баргузории конфронси иқтисодии Душанбе, ки дар он намояндагони Бонки миллии Тоҷикистон ва дигар ташкилоти хурди молиявии қарзӣ ширкат доштанд.
Умед Латифов, муовини раиси Бонки миллии Тоҷикистон татбиқи барномаи мазкурро қадами устуворе дар роҳи баланд бардоштани сатҳи молиявии қишрҳои гуногуни ҷомеа, сарфаю сариштакорона истифода намудани маблағ ва дигар пасандозҳо аз сӯи хонаводаҳо ва беҳдошти вазъи иҷтимоии аҳолӣ арзёбӣ кард.
Зикр шуд, ки Гурӯҳи Бонки ҷаҳонӣ бо мақсади татбиқи барномаи саводнокии молиявӣ дар Тоҷикистон дар ҳамкорӣ бо ташкилот -шарикони молиявӣ — «Бонки Эсхата», «Аccessbank Tajikistan», Аввалин бонки қарздиҳии хурд, «Арванд», «Хумо», «Имон Интернэшнл», «Финка» силсилаи таҳқиқотро гузаронид. Таҳқиқоти аз ҷониби Гурӯҳи Бонкӣ ҷаҳонӣ оид ба саводнокии молиявӣ гузаронида шуда нишон дод, ки 40 фоизи пурсидашудагон тамоми даромади умумии худро сарф менамоянд ва танҳо нисфи онҳо мунтазам маблағи пулиро пасандоз мекунанд. Ғайр аз ин, беш аз 80 фоизи посухдиҳандагон бо истилоҳҳои асосии бонкӣ ошно нестанд ва тақрибан 90 фоиз дар бораи бюрои қарзӣ умуман иттилоъ надоранд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






