Тоҳир Муминов сармураббии “Равшан” таъин шуд

       Душанбе, 07.08.2015 (АМИТ  «Ховар»,  Меҳрони   Курбон)- Сармурабби дастаи “Хайр”-и Ваҳдат Тоҳир Муминов баъди аз вазифа  барканор шудан, муддати зиёде бекор намонд.Ёдовар  мешавем, ки  Тоҳир Муминов ба вазифаи сармураббии чемпиони дукаратаи Тоҷикистон дастаи “Равшан”-и Кӯлоб таъин шуд. Ин хабар аз ҷониби роҳбарияти клуби футболи шаҳри Кӯлоб тасдиқ гардид.
Имрӯз  мутахассиси 45-сола фаъолияташро дар  дастаи  “Равшан”-и Кӯлоб оғоз мекунад.Хотирасон  менамоем, ки  рӯзи  8 август  дастаи  “Равшан” дар доираи бозиҳои даври 11-уми чемпионати Тоҷикистон байни дастаҳои лигаи олӣ, дар майдони худ  дастаи “Барқи тоҷик”-и  Душанберо қабул мекунад.Бояд  зикр  кард, ки   дастаи “Равшан” баъди 10 давр бо 17 имтиёз дар зинаи панҷуми чемпионат қарор дорад. Дастаи шаҳри Кӯлоб нисбат ба дастаи “Хуҷанд”-и Хуҷанд, ки  зинаи дуюми ҷадвали чемпионатро ишғол мекунад, ҳамагӣ шаш имтиёз кам дорад.