Ҷангии «Толибон» дар Қундуз 14 ҳаммаслаки худро маҳв кард

Душанбе, 02.09.2015. (АМИТ «Ховар»). – Дар музофоти Қундузи Афғонистон дар натиҷаи ҳамла аз ҷониби собиқ аъзои гурӯҳи «Толибон», ки ба ҷониби нерӯҳои ҳукуматӣ гузашта буд, 14 ҷангии толиб маҳв карда шуд.
Бино ба иттилои хабаргузории «Пажвок» ин ҳамларо сокини ноҳияи Имомсоҳиб бо номи Абдулатиф бо даъват кардани ҷангиён ба меҳмонӣ ташкил кард. 
Ҳамлаи ташкил намудаи соҳибхона бо ҳаммаслаконаш барои толибон ногаҳонӣ буд, ки натавонистанд вазъиятро бифаҳманд ва ба ду ҳамлагар муқовимат нишон диҳанд. Хабар дода мешавад, ки ба сафи кушташудагон қумандон мулло Баз Муҳаммад низ шомил буд.
Бо маслиҳати ҳамроҳаш Абдулатиф ба маркази ноҳия рафта, худро ба полис таслим карда, силоҳҳои аз толибони кушташуда гирифтаро низ супоридааст.