Д. Мезентсев ба гӯшаи Тоҷикистон дар намоишгоҳи беҳтарин маҳсулоти СҲШ баҳои баланд дод
Душанбе, 25.09.2015. (АМИТ «Ховар»). Намоишгоҳи байналмилалии беҳтарин маҳсулоти давлатҳои аъзои Созмони ҳамкории Шанхай (СҲШ) дар Маркази байналмилалии намоишгоҳи Сиани Хитой ба кори худ оғоз намуд.
Тоҷикистонро дар ин намоишгоҳ ширкатҳои асосии ҷумҳурӣ таҳти роҳбарии Раиси палатаи савдо ва саноати Тоҷикистон Шариф Саид муаррифӣ менамояд.
Дар лавҳаҳои намоишгоҳ маводи иттилоотӣ дар бораи гидроэнергетика, нақлиёт ва логистика, саноати мошинсозӣ, алюминий, саноати сабук, нассоҷӣ ва хӯрокӣ, маҳсулоти кишоварзӣ , маҳсулоти ниёзи мардум пешкаш гардид.
Котиби генералии СҲШ Дмитрий Мезентсев ба гӯшаи Тоҷикистон баҳои баланд дода, саҳми Тоҷикистонро дар СҲШ ва баргузории ин чорабинии муҳим ситоиш намуда, ба Ҳукумати Ҷумҳурии Тоҷикистон изҳори миннатдорӣ баён намуд.
Дар кори ин намоишгоҳ бузургтарин намояндагони ҷомеаи соҳибкорӣ аз 15 кишвар иштирок менамоянд.
Дар тӯли 14 соли фаъолияти СҲШ чунин намоишгоҳ аввалин бор ташкил карда шуд. Баргузории он ба рушд ва густариши ҳамкории иқтисодӣ ва тиҷоратӣ, ҳамкории минтақавию байналмилалӣ ва мусоидат ба рушди устувор ва босуръати ҳамаҷонибаи ҳамкорӣ равона гардида буд.
Майдони умумии намоишгоҳ — 50 метри мукаабро ташкил медиҳад. Чор гӯшаи намоишӣ фаъолият менамояд, ки дар он молҳо аз кишварҳои узви СҲШ, маҳсулоти минтақаҳои воқеъ дар назди Роҳи бузурги абрешим ба намоиш гузошта шуда буд.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
