Ифтитоҳи боғчаҳои хусусӣ дар ҷамоати деҳоти Гулистони шаҳри Ваҳдат
Душанбе, 06.09.2015. (АМИТ «Ховар»). -Президенти мамлакат Эмомалӣ Раҳмон дар ҷамоати деҳоти Гулистон боғчаи кӯдаконаи “Бону” — ро ифтитоҳ намуд.
Боғчаи Бону бо маблағи 4 миллион сомонӣ аз ҷониби соҳибкори маҳаллӣ Мурод Сафаров барои дар як вақт фаро гирифтани 150 кӯдак сохта шудааст.
Тавре ба Сарвари давлат иттилоъ доданд, ҷамоати деҳоти Гулистон калонтарин дар шаҳри Ваҳдат аст ва аллакай аз ҷониби сокинон боз барои фаро гирифтани кудакон боғча беш аз 700 дархост ворид гардидааст.
Дар доираи дастгирии Ҳукумати кишвар аз соҳибкории хурду миёна соҳибкорони ватандӯст бо шукрона аз ваҳдату ҳамбастагӣ дар корҳои ободонии диёри хеш саҳми муносиб мегузоранд.
Дар шафати боғчаи Бону толори наву замонавӣ бо 400 ҷой аз тарафи соҳибкор Мурод Сафаров бунёд шудааст, ки барои ин иқдом низ Президенти мамлакат ба соҳибкор изҳори сипос кард.
Имрӯз ҳамчунин Президенти мамлакат Эмомалӣ Раҳмон як кӯдакистони дигарро, ки аз ҷониби соҳибкор Ҳамза Фозилов бо маблағи 1 миллиону 200 ҳазор сомонӣ бо 100 ҷой сохта шудааст, ба истифода дод.
Соҳибкорон Мурод Сафаров ва Ҳамза Фозилов уҳдадор шуданд, ки боз биноҳои иловагӣ бо 300 ҷой барои кудакони ин ҷамоат бунёд мекунанд.
Баъди шиносоӣ бо шароити муассисаҳои муосири томактабӣ Президенти мамлакат ба соҳибкорон барои ин иқдоми ватандӯстонаашон миннатдорӣ карда, баҳри анҷоми ин кори ибратбахшашон баҳои баланд дод.
Ба Сарвари давлат иттилоъ доданд, ки айни ҳол чунин корҳои ободонӣ бо нишони ҷонибдорӣ аз сиёсати неку бобарор ва созандагии роҳбарияти давлату ҳукумати мамлакат дар шаҳри Ваҳдат идома дорад.
Сохтмони мактаби нав дар шаҳраки навбунёди Истиқлолият барои 1240 нафар хонанда дар як баст, маҳаллаҳои чаҳордаҳуму бистум барои 640-нафарӣ хонанда бомуваффақият ҷараён доранд.
Дар маҷмуъ дар шаҳри Ваҳдат 150 муассисаи таълимӣ фаъолият намуда, дар онҳо 3290 нафар омӯзгорони болаёқату соҳибихтисос ба 62 ҳазору 903 нафар фарзандони меҳнаткашон илму маърифат меомӯзанд.
Дар 17 кӯдакистони шаҳр бошад, садҳо нафар кӯдакон ба нигоҳубин ва таълиму тарбия фаро гирифта шудаанд.
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
