Истиқбол аз ҷашн дар Кӯлоб

 Кӯлоб, 10.09.2015 (АМИТ «Ховар» Сулаймон Холов).-Дар арафаи иду ҷашнҳо расонидани кумак ба ниёзмандону оилаҳои камбизоат ва собиқадорони ҷангу меҳнат ба ҳукми анъана даромадааст. 
Қабл аз оғози чорабиниҳои идона роҳбарияти мақомоти иҷроияи ҳокимияти давлатии шаҳри Кӯлоб ба ниёзмандон кумак расонида, онҳоро ба 24-умин солгарди истиқлолияти давлатии Ҷумҳурии Тоҷикистон табрик намуд. 
Дар идомаи чорабиниҳои ҷашнӣ дар шаҳри Кӯлоб ҳунармандони қасри фарҳанги шаҳр бо барномаи мукаммали консерти иборат аз сурудҳои ватандӯстонаву васфи истиқлолият, ваҳдату якпорчагӣ ва ватан-модар баромад намуда, сайругашти идона дар боғи фарханги фароғатӣ ва гулгашту хиёбонҳои шаҳр то шом идома ёфт.