Мулоқоти М. Хидирзода бо занони аз офат зарардидаи Рашт

Душанбе, 18.09.2015. (АМИТ «Ховар»).-  Раиси Кумитаи кор бо занон ва оилаи назди Ҳукумати Ҷумҳурии Тоҷикистон Махфират Хидирзода бо занони ноҳияи Тоҷикобод   барои  иҷрои дастуру супоришҳои Президенти мамлакат ва Ҳукумати кишвар, тақвияти корҳои ташвиқотию маърифатӣ вобаста ба пешгирии ҳолатҳои номатлуб дар ҷомеа, фаъол гардонидани нақши занон дар ҷомеа, мавқеи онҳо дар пешгирии гароиши ҷавонон ба ҳизбу ҳаракатҳои ифротӣ ва тақлид ба фарҳанги бегона вохӯрӣ намуд. 
Зимни вохурӣ  роҳбарияти кумита аз деҳаи Лангари шоҳ дидан намуда, бо заноне, ки оилаҳояшон аз офати табиӣ зарар дида буданд, мулоқот карданд. Зимни мулоқот занони ин деҳа  миннатдории худро ба Президенти мамлакат барои дастгирӣ дар лаҳзаҳои мушкил баён намуданд. Инчунин ба ин оилаҳо кумакҳои кумитаи занон расонида шуданд.