Муроҷиатномаи ҷавонони фаъоли ноҳияи Рӯдакӣ ба кулли ҷавонон ва мардуми шарифи Тоҷикистон
Душанбе, 11.09.2015. (АМИТ «Ховар»).- Мо, иштирокдорони ҷамъомади ҷавонони фаъоли ноҳияи Рӯдакӣ дар рӯзҳои ҷашни 24-солагии Истиқлолияти давлатии Ҷумҳурии Тоҷикистон, ҷамъ омада, бо камоли ифтихору сарфарозӣ, аз самими қалб ва садоқати бепоён ба Давлату истиқлолияти ватанамон, ба ҷавонон ва кулли мардуми шарифи кишвар муроҷиат мекунем:
Ҳамсолон, ҳамсабақон, дӯстон ва ҳаммеҳанони азиз! Ба хотири сарзамини куҳанбунёду сарсабзамон, абадӣ ҳукмрон будани Истиқлолият ва сарчашмаи ифтихору сарбаландии наслҳои оянда, пойдории сулҳу ваҳдат, тинҷию амонӣ ва хушбахтию осудаҳолии мардуми кишвар ба Шумо муроҷиат менамоем!
Меҳнати созандаю бунёдкорона, хониши аъло ва ахлоқи ҳамидаро мақсаду мароми асосии зиндагӣ қарор дода, тамоми амалҳои носавоб ва падидаҳои номатлуби аз ҷониби хоини Ватан Абдуҳалим Назарзода ба вуқуъ пайвастаро маҳкум менамоем.
Сиёсати давлат ва Пешвои миллатамон Эмомалӣ Раҳмонро пурра ҷонибдорӣ намуда, намегузорем, ки ягон нохалаф Истиқлолият ва сулҳу оромию осоиштагии моро халалдор созад.
Бигузор нури истиқлол ва сиёсати хирадмандонаи Президенти Ҷумҳурии Тоҷикистон Эмомалӣ Раҳмон бароямон раҳнамо ва ҳидоятгари фатҳу нусратҳои оянда бошад!
Муроҷиатнома дар ҷамъомади фаъолҷавонони ноҳияи Рӯдакӣ қабул гардидааст.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
