Ошкор шудани як фоҳишахона дар Душанбе

Душанбе, 04.09.2015 (АМИТ «Ховар»).-Кормандони милитсия мардеро дастгир карданд, ки хонаи истиқоматиро ба фоҳишахона табдил додааст.
Ба иттилои ВКД, зимни гузаронидани чорабиниҳои фаврию ҷустуҷӯӣ аз ҷониби кормандони милитсия марди 26-солаи сокини шаҳри Душанбе  бо гумони нигоҳ дошти фоҳишахона дастгир карда шуд. Гумонбаршуда  рӯзи 3-юми сентябри соли ҷорӣ  соати 16:00-дақиқа ҳуҷраи истиқоматиро ба фоҳишахона табдил дода, ба шаҳрвандон мард ва зани 21-солаи сокинони пойтахт барои алоқаи ҷинсӣ шароит фароҳам оварда, аз онҳо 226-сомонӣ гирифтааст. 
Нисбати далели мазкур парвандаи ҷиноятӣ оғоз гардида, тафтишот идома дорад.
Ёдрас мешавем, ки чанде пеш кормандони милитсияи вилояти Суғд занеро низ дастгир карда буданд, ки хонаи истиқоматиашро ба фоҳишахона табдил дода буд.