Пешсафӣ дар ҳифзи муҳити зист барои рушди устувор
Душанбе, 16.09.2015.(АМИТ «Ховар»).-Шашумин «Барномаи пешсафии ҷавонони Осиёи марказӣ, пешсафӣ дар ҳифзи муҳити зист барои рушди устувор» аз 14 то 22 сентябр дар шаҳри Алмаато ҷараён мегирад.
Дар барномаи мазкур мутахассисон аз Қазоқистон, Қирғизистон, Ӯзбекистон, Тоҷикистон, Туркманистон ва Афғонистон иштирок доранд. Маҳмадалӣ Қурбонов — номзади илмҳои иқтисод, директори Коллеҷи технологии шаҳри Душанбе ҳайати Тоҷикистонро дар барнома муаррифӣ дорад. Қарор аст роҳбари гурӯҳ М. Қурбонов дар ин барнома дар мавзӯи “Равиши нав ба иқтисоди сабз дар доираи рушди устувор” сухан гӯяд.
Инчунин дар барнома 5 мутахассиси дигар аз Тоҷикистон иштирок мекунад.
Чорабиниро маркази экологии минтақавии Осиёи марказӣ дар ҳамкорӣ бо UNEP бо кумаки Ҳукумати Норвегия ва маркази САҲА дар Остона ташкил намудаанд.
Дар барномаи мазкур инчунин таваҷҷуҳи зиёд ба мавзӯъҳои расидан ба мақсади рушди устувор дар Осиёи марказӣ, гузариши кишварҳо ба иқтисоди “сабз”, истифодаи сарфакоронаи захираҳои обӣ, дастрасӣ ба оби нӯшокӣ, баробарии гендерӣ, истифодаи босамари барқ ва рушди устувори энергетикӣ дода мешавад.
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
