Раҳбари Ал-Қоида: Ал-Бағдодӣ «фитнагар» аст ва шоистаи «хилофат» нест

Душанбе, 14.09.2015. (АМИТ «Ховар»). — Роҳбари шабакаи ифротгарои «Ал-Қоида» Айман Завоҳирӣ аз роҳбари гурӯҳи «Давлати исломӣ» Абӯбакр Ал-Бағдодӣ интиқод намуда, ӯро «фитнагар» хондааст. 
«Давлати исломӣ» иддао дорад, ки «хилофати исломӣ» таъсис дода, роҳбараш Абӯбакр Ал-Бағдодиро бояд халифа муаррифӣ кард.
Се моҳ қабл низ гурӯҳи ифротгарои «Давлати исломӣ» аз роҳбари шабакаи «Ал-Қоида» Айман Завоҳирӣ интиқод ва ӯро ба каҷравӣ аз «сиёсати ҷиҳодӣ» муттаҳам карда буд. 
Ёдовар мешавем, ки ифротгароёни «Давлати исломӣ» қаблан дар сафи «Ал-Қоида» меҷангиданд ва ду сол қабл аз ин гурӯҳ ҷудо шуданд.