«Роҳи рушди Осиё» соҳибкорони эрониро ба Хатлон меорад
Душанбе, 16.09.2015.(АМИТ «Ховар», Марзия Саидзода).-20 ширкати эронӣ маҳсулоти худро дар нахустин намоишгоҳи байналмилалии молу маҳсулоти саноатӣ, ки аз 19 то 23 сентябри соли равон дар маркази маъмурии вилояти Хатлон — шаҳри Қӯрғонтепа баргузор мегардад, ба намоиш ва фурӯш мегузоранд.
Шараф Сангов- муовини мудири кулли Палатаи савдо ва саноати ҷумҳурӣ дар вилояти Хатлон дар суҳбат ба хабарнигори «Ховар» гуфт, ки намоишгоҳ бо ибтикори ширкати намоишгоҳии «Роҳи рушди Осиё» -и Эрон дар ҳамкорӣ бо Палатаи савдо ва саноати ҷумҳурӣ дар вилояти Хатлон гузаронида мешавад.
Интизор меравад, ки дар намоишгоҳ ширкатҳои истеҳсолии вилояти Хуросони Разавӣ ва Ҳамадони Эрон маҳсулоти хӯрокӣ, шириниҳои гуногун, қолинҳо, маводи мухталифи шустушӯӣ, инчунин таҷҳизоти муосирро ба намоиш ва фурӯш гузоранд.
Бино ба иттилои Шараф Сангов: интизор меравад, ки дар доираи баргузории намоишгоҳи байналмилалӣ дар шаҳри Қӯрғонтеппа ҳамоиши доираҳои тиҷоратӣ ва соҳибкорони тоҷику эронӣ баргузор гардида, дар он масоили марбут ба таҳкими ҳамкории иқтисодию тиҷоратии Тоҷикистону Эрон, ҷалби сармояи ин кишвар ба рушди иқтисоди вилояти Хатлон, таъсиси корхонаҳои муштараки истеҳсолӣ, омӯзиши фазои сармоягузорӣ ва дигар паҳлӯҳои тавсеаи ҳамкории иқтисодию тиҷоратӣ баррасӣ хоҳанд гашт. Ҳамзамон дар назар аст, ки соҳибкорону тоҷирони эронӣ аз бархе корхонаҳои истеҳсолии вилояти Хатлон боздид намоянд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






