Садамаҳои маргбори рӯзҳои истироҳатӣ
Душанбе, 14.09.2015. (АМИТ «Ховар»). Мувофиқи иттилои Вазорати корҳои дохилӣ рӯзҳои истироҳатӣ дар ҳудуди кишвар садамаҳои автомобилӣ ба амал омаданд, ки боиси марги одамон шуданд. Аз ҷумла, ронандаи автомашинаи тамғаи «ДЭУ-Сиелло», сокини 50-солаи ноҳияи Қумсангир, ҳангоми ҳаракат аз самти ш. Қӯрғонтеппа ба самти ноҳияи Ҷ.Рӯмӣ, дар ҳудуди деҳаи Суғдиёни ноҳияи Бохтар, аз ӯҳдаи идораи автомашина набаромада, пиёдагарди шахсияташ номаълум, зани тахминан 45-50-соларо пахш намуд. Пиёдагард ҷароҳати вазнини ҷисмонӣ бардошта, дар беморхона ба ҳалокат расидааст. Чорабиниҳо барои муайян кардани шахсияти фавтида идома доранд.
Ҳамчунин, ронандаи автомашинаи тамғаи «Опел-Астра», зани 51-солаи сокини Душанбе, ҳангоми ҳаракат аз самти шаҳри Кӯлоб ба самти шаҳри Душанбе, дар ҳудуди ҷамоати деҳоти Себистони ноҳияи Данғара, аз ӯҳдаи идораи автомашина набаромада, автомашинаашро чаппа кардааст. Дар натиҷа мусофири автомашинаи мазкур, зани 49-солаи сокини шаҳри Душанбе, ҷароҳати вазнини ҷисмонӣ бардошта, дар ҷойи ҳодиса ба ҳалокат расид.
Рӯзи 13-уми сентябри соли равон ронандаи автомашинаи тамғаи «ВАЗ-2121», сокини 34-солаи ноҳияи Ҳисор, ҳангоми ҳаракат дар роҳи мошингард, аз самти деҳаи Чангоб ба самти деҳаи Арҷинаки ноҳияи Ҳисор аз ӯҳдаи идораи автомашина набаромада автомашинаро ба канори роҳ ба ҷарии 100-метр чаппа кард. Дар натиҷа, ронанда дар ҷойи ҳодиса ба ҳалокат расида, мусофири автомашина, зани 35-солаи сокини ноҳияи Ҳисор ҷароҳати ҷисмонӣ бардошта, дар беморхона бистарӣ гашт.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
