Санъати тасвирӣ дар даври истиқлолият

Душанбе, 08.09.2015 (АМИТ «Ховар»).- Имрӯз 8-уми сентябри соли равон бахшида ба 24-солагии Истиқлолияти давлатии Тоҷикистон дар китобхонаи донишкадаи давлатии санъати тасвирӣ ва дизайни Тоҷикистон мизи мудаввар дар мавзӯи “Санъати тасвирӣ дар даври истиқлолият” баргузор гардид. 
Сухани ифтитоҳиро ректори донишкада Ғанизода Ҷамшед оғоз карда, зикр дошт, ки “Истиқлолият шараф ва номуси хар як миллати озодандеш ва соҳибхираду соҳибэҳтиром аст. Истиқлолият рамзи саодати миллат ва давлати соҳибихтиёри миллӣ, нишонаи пойдориву бақои он мебошад. Зеро дар дунёи пуртазоди муосир фақат миллате  соҳиби ному иззат шуда метавонад, ки истиқлоли воқеӣ ва давлати озоду мустақили хешро дошта бошад. 
Ҳамчунин дар нишаст, ки бо иштироки устодон ва донишҷӯёни фаъоли донишкада баргузор шуд, зикр доштанд, ки донишкадаи давлатии санъати тасвирӣ ва дизайни Тоҷикистон фарзанди истиқлолият мебошад ва дар се соли фаъолияташон  ба як қатор дастовардҳои беназир ноил гардидааст, ки хамаи ин маҳз аз заҳматҳои бузурги устодон ва донишҷуёни донишкада мебошад. Ҳамагон дар тамоми чорабиниҳои ҷумҳуриявӣ ва берун аз он хеле иштироки фаъол доштанд ва ҳамеша кӯшиш бар он мекарданд, ки номбардори миллати азизи хеш бошанд.