А.Абдулло: Афғонистон ёрии Русия дар мубориза бар зидди терроризмро қабул дорад

Душанбе, 16.10.15. (АМИТ «Ховар»). — Рӯзи  якшанбеи  гузашта   раиси ҳокимияти  иҷроияи  Афғонистон Абдулло Абдулло  изҳор  дошт, ки  Афғонистон ёрии  Русия  дар  мубориза бар  зидди  терроризмро  қабул  дорад. 
Абдулло Абдулло  зимни  суханронӣ  дар  нишгасти  матбуотӣ дар  шаҳри  Кобул  изҳор  дошт, ки  Афғонистон  тайи  14  соли  охир  бар  зидди терроризм   мубориза бурда ва ба  қабули ёрии  ҳар  кишвар тайёр  аст.
«Агар  ягон  кишваре  дар  ҷанг  бар  зидди  терроризм  ба  Афғонистон  ёрӣ  расониданӣ  бошад,  мо  ин  пешниҳодро  мепазирем», — гуфт  раиси ҳокимияти  иҷроия.
Ёдовар  мешавем, ки  чанде  пеш  дар  шаҳри  Маскав  конфронси  байналмилалӣ  бахшида ба  масоили  Афғонистон  баргузор гардида,  дар  ҷараёни он   намояндагони  ҳар  ду  кишвар  аҳд  карданд, ки барои   афзун  намудани самараи  амалиётҳои  зидди «Давлати исломӣ» ирсоли  чархболҳои ҷангии МИ — 35 Русия ба  Афғонистон аз нав  давом дода шавад.