Ҳаҷми хидматрасонии пулакӣ дар кишвар коҳиш ёфт

Душанбе, 19.10.15. (АМИТ «Ховар»). — Аз рӯи  натиҷаи 9 моҳи  соли  равон ҳаҷми  хидматрасонии  пулакӣ аз рӯи ҳамаи  намуди  он  дар  кишвар нисбат ба  ҳамин  давраи  соли  2014  баробари  8,1  фоиз  коҳиш  ёфта, 6  миллиону 980  ҳазору  200 сомониро ташкил дод. 
Мувофиқи  маълумоти  Агентии   омори  назди Президенти  ҶТ,  ба  корхонаю ташкилотҳо ба  маблағи  3 миллиону 386  ҳазору  800 сомонӣ  хидмати  пулакӣ   расонида шудааст, ки  48,5  фоизи  ҳаҷми  умумии  онро ташкил  медиҳад. 
Қобили  зикр  аст, ки  қисми  зиёди  хидматрасонии  пулакӣ  ба шаҳри  Душанбе  ва  вилояти Хатлон  ва камтари он  ба  ВМКБ  рост  меояд.