Ҳамоиши соҳибкорзанони тоҷик
Душанбе, 08.09.2015, (АМИТ «Ховар»).- Имрӯз, 8 октябр дар Душанбе дар доираи таҷлили нахустин солгарди «Рӯзи соҳибкор» ва Форуми байналмилалии соҳибкории Душанбе-2015 бо ташаббуси Кумитаи давлатии сармоягузорӣ ва идораи амволи давлатии Ҷумҳурии Тоҷикистон мизи мудаввар оид ба рушди соҳибкорӣ байни занон ба кори худ оғоз кард.
Дар доираи ҳамоиш инчунин намоишгоҳи муваффақиятҳои соҳибкорзанон ба маъраз гузошта мешавад.
Дар назар аст, ки дар мизи мудаввар раиси Кумитаи давлатии сармоягузорӣ ва идораи амволи давлатии ҶТ Қодири Қосим, раиси Кумитаи кор бо занон ва оилаи назди Ҳукумати ҶТ Махфират Хидирзода, роҳбари намояндагии БАТР (Бонки аврупоии таҷдид ва рушд) дар ҶТ Ричард Ҷонс ва соҳибкорзанон иштирок кунанд.
Дар мизи гирд инчунин соҳибкорзанон барои саҳм гузоштан дар рушди бахши хусусӣ бо раҳматномаҳо сарфароз хоҳанд гашт.
Дар ҷараёни мизи мудаввар таҷрибаи муваффақ ва мушкилоти рушди соҳибкорӣ байни занон дар Тоҷикистон баррасӣ хоҳад гашт. Инчунин муаррифии таҳлил «Таҷрибаи муваффақи барномаҳо оид ба дастгирии соҳибкории занон дар Тоҷикистон» дар назар аст. Дар бахши пленарии мизи мудаввар таърихи муваффақиятҳо ва мушкилоти соҳибкорзанон дар бахшҳои тиббӣ, хизматрасониҳои ҳуқуқӣ, молия ва қарз, кишоварзӣ, маориф ва ғайра мавриди таҳлилу баррасӣ қарор хоҳанд гирифт.
Инчунин бо соҳибкорзанон дар доираи мизи мудаввар коршиносони тамоми соҳаҳо сабақҳо (мастер-класс) доир хоҳанд кард. Аз ҷумла сабақҳо дар масъалаҳои дастрасӣ ба замин, андозбандӣ, ҳуқуқи иҷтимоӣ, банақшагирии соҳибкорӣ, ҳавасмандгардонии мусбат ва ғайра.
Хотиррасон мекунем, ки имсол дар доираи таҷлили нахустин солгарди «Рӯзи соҳибкор» баргузории «Форуми байналмилалии соҳибкории Душанбе-2015» ба нақша гирифта шудааст, ки он таҳти шиори «Саҳми соҳибкориву сармоягузорӣ дар рушди устувор» 14-уми октябри соли равон баргузор мегардад. Барои иштирок дар Форуми байналмилалӣ соҳибкорону сармоягузорони бурунмарзӣ, роҳбарони созмонҳои байналмилалии молиявӣ, намояндагони баландпояи кишварҳои хориҷӣ ва дигар шарикони иқтисодӣ даъват шудаанд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
