Арзи сипоси модарони Барсем ва Ранкӯл ба Сарвари давлат

Душанбе, 02.10.2015. (АМИТ «Ховар»).- Аз ҷониби вазорату идораҳои ҷумҳурӣ расонидани кумак ба оилаҳои аз офати табиӣ зарардида идома дорад.
Аз ҷониби Кумитаи кор бо занон ва оилаи назди Ҳукумати Ҷумҳурии Тоҷикистон ба 70 оилаи аз офати табиӣ зарардидаи деҳаи Барсеми ноҳияи Шуғнон ва 12 оилаи ҷамоати деҳоти Ранкӯл- дурдасттарин деҳаи ноҳияи Мурғоб туҳфаҳо, аз қабили либосвор ва дигар маводи зарурии рӯзгор дастрас шуданд.
Зимни суҳбату вохӯрӣ бо занону бонувон муовини раиси кумита Зулфия Давлатзода аз кумаку ғамхориҳои Сарвари давлат ёдовар шуда, зикр кард, ки Ҳукумати ҷумҳурӣ пайваста барои беҳтар намудани зиндагии мардум кӯшишҳои зиёдеро ба харҷ медиҳад ва намегузорад, ки  фарде аз мадди назар дур монад. 
Аз  дастгириҳои  Сарвари давлат модарон изҳори сипос намуда, иброз доштанд, ки дар он рӯзҳои душвор  мо худро танҳо ҳис накардем, зеро фаҳмидем, ки дастгиру мададрасон дорем ва  ӯ Сарвари давлатамон Эмомалӣ Раҳмон аст.