Ба бегонапарастон дар хонаи мо ҷой нест

Душанбе, 02.10.2015 (АМИТ «Ховар»).- «Ба бегонапарастон  дар хонаи мо ҷой нест»- таҳти чунин унвон чанде пеш дар филиали Донишкадаи ҷумҳуриявии такмили ихтисос ва бозомўзии кормандони соҳаи маориф дар шаҳри Душанбе ҳамоиш баргузор гардид.
 Дар нишаст ҳайати шунавандагони курсҳои такмили ихтисос ва омўзгорону кормандони соҳаи маорифи пойтахт иштирок дошта, ҳодисаҳои манфури рўзи 4 сентябр дар шаҳри  Душанбе ва атрофии он  ба амал омадаро маҳкум намуда, зикр намуданд, ки мо дигар намехоҳем ба ҳодисаҳои фоҷиабори солҳои 90-уми қарни гузашта баргардем. Барои террористон, бегонапарастон, бегонагароён дар шаҳри мо ҷой нест.
-Муҳиддин Кабирӣ бори дигар бо амали ноҷавонмардонаи худ бо ҳамроҳии ҳаммаслаконаш А. Назарзода, Ҷ.Умаров ва дигарон бо ҳаракати ноҷавонмардонаашон  хостанд ба оромии кишвар халал ворид намоянд, вале тирашон хок хўрд. Мо ҳамеша шукри Сарвари  кишвар ва истиқлолияту оромии ҷомеаро мегўем,-зикр карданд  омўзгорону кормандони соҳаи маорифи пойтахт.