Баррасии ҳамкории фарҳангӣ бо Институти рейтинги байналмилалӣ

Душанбе, 02.10.2015. (АМИТ «Ховар»).- Дирӯз, 1 октябр вазири фарҳанги Ҷумҳурии Тоҷикистон Шамсиддин Орумбекзода Консули Институти рейтинги байналмилалӣ (зерсохтори ЮНЕСКО) Станислав Королёвро ба ҳузур пазируфт.
Тавре дар ин бора Вазорати фарҳанг иттилоъ додааст, дар вохӯрии мазкур ҷиҳати ҳамкории минбаъда дар самти ба ҷаҳон муаррифӣ намудани ёдгориҳои моддӣ (меъморӣ, таърихӣ ва бостоншиносӣ) ва ғайримоддӣ (чакан, фалак, гулдӯзӣ, шашмақом)-и Ҷумҳурии Тоҷикистон ва  ворид намудан ба  рӯйхати ЮНЕСКО  баррасӣ гардид.
 Гуфта мешавад, ки аз ҷониби ин созмони бонуфуз аз Ҷумҳурии Тоҷикистон дар самти ёдгориҳои моддӣ, шаҳри асри миёнагии Ҳулбук ва аз ёдгориҳои ғайримоддӣ жанри «Фалак» ба ҷоизаи «Номгӯи  рейтинги байналмилалӣ» сазовор гардиданд.