Дар 9 моҳ ба маблағи 3,2 млрд. сомонӣ маҳсулоти саноатӣ истеҳсол шуд

Душанбе, 12.09.2015. (АМИТ «Ховар»).- Дар давоми 9 моҳи соли 2015 ҳаҷми истехсоли маҳсулоти саноатӣ дар вилоят ба 3,2 млрд. сомонӣ расонида шуд, ки нисбат ба ҳамин давраи соли гузашта бо назардошти индекси нархҳо ба 119,6 фоиз баробар мебошад.
Таҳлилҳо нишон медиҳанд, ки дар ин давра шаҳрҳои Панҷакент, Хуҷанд ва Чкалов дар заминаи нишондиҳандаҳои баланди истеҳсолӣ тавонистанд саҳми худро дар ташаккули ҳаҷми маҳсулоти саноатии вилоят нисбат ба ҳамин давраи соли гузашта зиёд намоянд. 
Дар давраи ҳисоботӣ аз 603 корхонаи саноатӣ 346 корхона ё 57,3 фоизи он вусъати афзоишро нисбат ба соли гузашта таъмин намуданд. 180 корхона ё ки 30 фоиз ҳаҷми истеҳсоли маҳсулотро кам намуда, 77 корхона ё ки 12,7 фоиз аз теъдоди умумӣ фаъолият накарданд.  
Дар баробари ин, соли ҷорӣ аз ҷониби масъулини соҳа, мақомоти андоз ва омори вилоят вазъи баҳисобгирӣ ва ҳисоботдиҳӣ, корхонаҳои соҳаи истеҳсоли орд, парандапарварӣ ва равғанбарорӣ арзёбӣ гардида, вазъият нисбат ба соли гузашта беҳтар гардидааст.
Дар ин бора аз Хадамоти матбуоти раиси вилояти Суғд хабар доданд.